وزیراعلیٰ پنجاب کی تبدیلی کے امکانات کے بعد ق لیگ بھی کھل کر سامنے آ گئی۔

وزیراعلیٰ پنجاب کی تبدیلی کے امکانات کے بعد ق لیگ بھی کھل کر سامنے آ گئی۔

وزیراعلیٰ پنجاب کیلئے ق لیگ کے امیدوار چوہدری پرویز الٰہی ہوں گے۔ق لیگی ذرائع

 وزیراعلیٰ پنجاب کی تبدیلی کے امکانات نظر آنے کے بعد ق لیگ بھی کھل کر سامنے آ گئی ہے۔تفصیلات کے مطابق عثمان بزدار جب سے وزیراعلیٰ پنجاب بنے ہیں تب سے ان کو ہٹائے جانے کی باتیں کی جارہی ہیں مگرگزشتہ چند ہفتوں سے ان خبروں نے زور پکڑ لیا ہے کہ عثمان بزدار جانے والے ہیں اور پنجاب کا وزیراعلی تبدیل ہونے والا ہے۔

حکومت کئی بار ان خبروں کی تردید کرچکی ہے ۔ مگر  واقفانِ حال کا یہی کہنا ہے کہ عثمان بزدار کے وزایرِ اعلیٰ ہاؤس میں دن گنے جاچکے ہیں اور وہ جانے والے ہیں۔ ایسے میں وزیراعلیٰ پنجاب کی تبدیلی کے امکانات نظر آنے کے بعد ق لیگ بھی کھل کر سامنے آ گئی ہے۔ ق لیگ کا کہنا ہے کہ وزیراعلیٰ پنجاب کیےلئے ق لیگ اپنا امیدوار دے گی اور وزیراعلیٰ پنجاب کے لئے ق لیگ کے امیدوار چوہدری پرویز الٰہی ہوں گے۔

ذرائع کے مطابق  عثمان بزدار کی تبدیلی کی صورت میں ق لیگ حکومتی امیدوار کی حمایت نہیں کرے گی بلکہ اپنا امیدوار سامنے لائے گی۔ وزیراعظم نے وزیراعلی پنجاب سے ملاقات کے دوران ان کی کارکردگی پر اطمینان کا اظہار کیا تھا۔ وزیر اعظم عمران خان نے کہا کہ پنجاب حکومت نے کرونا سے نمٹنے کے لیے بہترین کام کیا اور اسمارٹ لاک ڈاؤن کے ذریعے ایس او پیز پرعملدر آمد کرایا گیا۔

انہوں نے کہا کہ حکومتی اقدامات کے باعث کرونا کیسز میں واضح کمی ہوئی۔ لیکن اس سب کے باوجود بہت سے ذرائع سے یہ خبریں عام ہیں کہ عثمان بزدار کی وزارت جانے والی ہے اور پنجاب کا نیا وزیراعلیٰ آئےگا۔  یہ کہا جارہا  ہے کہ عثمان بزدار جائیں گے تو انکی جگہ اگلا وزیر اعلیٰ پاکستان تحریک انصاف کا نہیں بلکہ مسلم لیگ ق کا بنے گا۔