حکومت کی طرف سے چینی درآمد کرنے کا ایک اور ٹینڈر جاری کر دیا گیا

 

اسلام آباد!حکومت کی طرف سے چینی درآمد کرنے کا ایک اور ٹینڈر جاری کر دیا گیا۔ 

ٹی سی پی (ٹریڈنگ کارپوریشن آف پاکستان)کے مطابق ایک لاکھ میٹرک ٹن چینی کا ٹینڈر  11 اگست کو کھولا جائے گا،   چند دن قبل حکومت نے چینی کی بڑھتی قیمتوں کے پیش نظر 2 لاکھ ٹن چینی درآمد کرنے کا آرڈر دیا تھا۔ 

لاہور کی دکانوں سے چینی غائب  ہے جب کہ دکانداروں نے گُڑ اور شکر کی قیمتيں بھی بڑھادی ہیں۔ 

دوسری جانب مختلف شہروں میں سرکاری ریٹ پر مارکیٹ میں چینی اب تک دستیاب نہيں۔

ضلعی انتظامیہ نے چینی کی سرکاری قیمت177 فی کلو مقرر کر رکھی ہے۔

کوئٹہ میں فی کلو  7 روپے  کمی کے بعد چینی  فی کلو178 روپے پر آگئی ہے جو کل تک 185 روپے فی کلو میں فروخت ہورہی تھی۔