Breaking News

سونا ہوا مہنگا: فی تولہ سونے کی قیمت 1لاکھ روپے سے بڑھ گئی


سونا ہوا مہنگا: فی تولہ سونے کی قیمت 1لاکھ روپے سے بڑھ گئی
صرافہ بازار میں فی تولہ سونے کی قیمت 1400 روپے اضافے کے ساتھ 1لاکھ 700 روپے ہوگئی۔

سونے کی فی تولہ قیمت 1لاکھ روپے سے تجاوز کرگئی ہے۔ صرافہ بازار  میں سونے کی فی تولہ قیمت 1400 روپے اضافے کے ساتھ 1لاکھ 700 روپے  پر پہنچ گئی ۔ تفصیلات کے مطابق عالمی بلین مارکیٹ میں سونے کی فی اونس قیمت میں 9ڈالر اضافہ ہوا ہے جس کے بعد فی اونس سونا 1736ڈالرتک پہنچ گیا  ہے۔  پاکستان میں بھی سونا مہنگا ہوگیا ہے اور سونے کی قیمت میں 1400روپے جبکہ 10گرام سونے قیمت میں 1200 روپے اضافہ ہوا۔

جس کے نیتجے میں کراچی، حیدرآباد، سکھر، ملتان، فیصل آباد، پشاور ، لاہور،کوئٹہ  اور اسلام آباد کے صرافہ بازاروں میں فی تولہ سونے کی قیمت اضافے کے بعد  بلند ترین سطح پر پہنچ گئی ہے۔ ایک تولہ سونے کی نئی  قیمت 1لاکھ 700 روپے جبکہ 10 گرام سونے کی نئی قیمت 86 ہزار 334 روپے تک جا پہنچی ہے ۔

لیکن امریکا اوریورپ میں سونے کے نرخوں میں کمی دیکھنے میں آئی ہے جس کی وجہ امریکی جاب ڈیٹا رپورٹ اورکروناوائرس کی نئی لہر سامنے آنا ہے۔

نیویارک میں سپاٹ گولڈ کے وقفے کے قریب نرخ 0.2 فیصد کم ہو  کر 1723.23ڈالرفی اونس رہے۔امریکی سونے کے سودے 0.3 فیصد کم ہونے  کے ساتھ 1730.10ڈالرفی اونس طے پائے۔لندن میں سپاٹ گولڈ کے وقفے سے قبل نرخ 0.3 فیصد کم ہو  کر 1720.48 ڈالرفی اونس رہے۔امریکی سونے کے کاروبار  0.5 فیصد کمی کے ساتھ 1726.60ڈالرفی اونس رہے۔ دوسری جانب ڈالرکی قیمت میں مسلسل اضافہ ہو رہا  ہے۔

انٹرنیشنل  بینک میں آج ڈالرکی قیمت میں 65 پیسے کا اضافہ ہوا۔کاروباری ہفتے کے آخری روزڈالر65پیسے اضافے کے ساتھ 167 روپے کی بلند ترین  سطح پر پہنچ گیا۔12 جون کے بعد سےڈالرکی قیمت میں 2.76 روپے کا اضافہ ہوا ہے۔ انٹر نیشنل بینک اور مقامی اوپن کرنسی مارکیٹ میں جمعرات کو بھی روپے کے مقابلے ڈالرکی قدر میں اضافے کا رجحان رہااورڈالر.70۔ 166روپے کی بلند ترین سطح پر پہنچ گیا۔
فاریکس ایسوسی ایشن آف پاکستان کی رپورٹ کے مطابق گزشتہ روز انٹرنیشنل  بینک میں روپے کے مقابلےڈالرکی قیمت خرید90پیسے کے اضافے سے165.50روپے سے بڑھ کر166.40روپے اور قیمت فروخت70پیسے کے اضافے سے166روپے سے بڑھ کر166.70روپے ہو گئی اسی طرح مقامی اوپن مارکیٹ میں ڈالرکی قیمت  میں70پیسے کا اضافہ ہوا جس کے بعدڈالرکی قیمت خرید165.50روپے سے بڑھ کر166.20روپے اور قیمت فروخت166 روپے سے بڑھ کر166.70روپے ہوگئی۔

No comments