اسکول ایسوسی ایشن کے 15 اگست کو سکولز کھولنے کے اعلان پر حکومت کا موقف بھی آ گیاہے۔

اسکول ایسوسی ایشن کے 15 اگست کو سکولز کھولنے کے اعلان پر حکومت کا موقف بھی  آ گیاہے۔

حکومت کا کہنا ہے کہ کسی کو بھی 15 ستمبر سے پہلے سکولز کھولنے کی اجازت نہیں ہے۔

گزشتہ روز آل پاکستان پرائیویٹ سکولز ایسوسی ایشن نے اگست سے تعلیمی ادارے کھولنے کا اعلان کیا تھا۔ آل پاکستان پرائیویٹ سکولز ایسوسی ایشن نے حکومتی فیصلہ مسترد کرتے ہوئے تعلیمی ادارے 15 اگست سے کھولنے کا اعلان کیا ہے۔اسلام آباد میں آل پاکستان پرائیویٹ سکولز ایسوسی ایشن نے پیر کو مشترکہ پریس کانفرنس کی۔

پریس کانفرنس میں ایسوسی ایشن کے صدر ہدایت خان نے واضح الفاظ میں کہا کہ ہم پاکستان بھر کے تعلیمی ادارے کھول دیں  گے۔ تعلیمی اداروں کی بندش سے بچوں  کی تعلیم کا نقصان ہو رہا ہے۔انہوں نے مزید کہا کہ کرونا زوال پذیر ہوگیا ہے اور کیسز بھی کم ہوگئے ہیں۔حکومت سے مذاکرات بھی کیے لیکن ہماری بات نہیں سنی گئی۔اسکول کے رہنماؤں کا کہنا تھا کہ 15 اگست 2020 کو پاکستان بھر کے تعلیمی ادارے کھول دئے جائیں  گے۔

اگر ہمارے اداروں پر کسی بھی قسم کی سختی  کی کوشش کی گئی تو ہم ملک گیر مارچ  کریں گے اور تحریک بھی چلائیں گے۔ صدر ایسوسی ایشن نے کہا کہ پریس کانفرنس میں سکول کھولنے کے لیے ایس او پلیز بھی بتائے جائیں گے۔اسکول ایسوسی ایشن کے 15 اگست کو سکولز کھولنے کے اعلان پر حکومت کا موقف آ گیا ہے۔ حکومت کا کہنا ہے کہ کسی کو بھی 15 ستمبر سے پہلے سکولز کھولنے کی اجازت نہیں ہے،حکومت کی جانب سے کرونا کی صورتحال کے پیش نظر 15 ستمبر سے پہلے سکولز کھولنے کی اجازت نہیں دی جائے گی۔

وفاقی وزیر تعلیم  کا کہنا ہے کہ ملک بھرکے تمام تعلیمی ادارے 15 سمتبر سے کھولے جائیں گے۔  جولائی کے دوسرے ہفتے سے ایس او پیز کے تحت فنی تعلیم اور مدارس کو امتحانات لینے کی اجازت ہو گی۔ عید کے بعد یونیورسٹیوں کو اختیار ہو گا کہ وہ 30 فیصد طلباء کو اپنے ہاسٹلز میں رکھ سکیں۔ وفاقی وزیر نے کہا کہ اگر حالات ساز گار  نہ ہوئے تو تعلیمی ادارے نہیں کھولے جائیں گے۔