اس سال T20ورلڈ کپ ہونے کے امکانات نہ ہونے کے برابر رہ گئے۔

اس سال T20ورلڈ کپ ہونے کے امکانات نہ ہونے کے برابر رہ گئے۔

آسٹریلیا میں ہونے والے اس ایونٹ کے نہ ہونے کی وجہ آسٹریلیا کی سرحدیں دسمبر تک بند ہونا ہے۔ وزیر سیاحت آسٹریلیا نے سرحدیں دسمبر تک بند رکھنے کا اعلان کیا ہے۔

T20ورلڈکپ کے اس سال انعقاد کا امکان نہ ہونے کے برابر رہ گیا۔ میلبورن سمیت وکٹوریہ اسٹیٹ میں کرونا کی ایک اور نئی لہر کے بعد لاک ڈاؤن کردیا گیاہے۔ جس کے بعد  وزیر سیاحت نے آسٹریلیا کی سرحدیں دسمبر تک بند رکھنے کا اعلان کردیا۔ تفصیلات کے مطابق کئی ہفتوں تک آسٹریلیا میں کروناوائرس سے متاثرہ کوئی نیا مریض سامنے نہ آنے پر کھیلوں کی بحالی کے امکانات میں بھی اضافہ ہوا تھ۔ مگر وکٹوریہ میں وائرس کی نئی لہر نے ایک بار پھر خدشات بڑھا دیے ہیں۔اس ریاست میں گذشتہ ہفتے 100 سے زائد نئے متاثرین سامنے آئےہیں۔  زیادہ تر کا تعلق میلبورن سے ہے۔ 16 کیس کروناوائرس کی مقامی منتقلی جبکہ بیشتر بیرون ملک سے آنیوالوں کے ہیں۔ وکٹوریہ میں گذشتہ روزکروناوائرس سے ایک ہلاکت بھی ہوئی۔جس پر  آسٹریلیانے ہنگامی حالات کے نفاذ کا اعلان کر دیا ہے۔

لاک ڈاؤن کے ساتھ 6 علاقوں کو خطرناک قرار دے دیاگیا، گھروں میں تقریبات کو کوروناوائرس  کے پھیلاؤ کی بڑی وجہ قرار دیا جا رہا ہے۔ جن علاقوں میں انگریزی سمجھنے والے لوگ کم ہیں وہاں بھی احتیاطی تدابیر سے لاعلمی کی وجہ سے کرونا وائرس زیادہ تیزی سے پھیل رہا ہے۔ آسٹریلیوی وزیراعظم سکاٹ مورسن کا کہنا ہے کہ وقتاً فوقتاً ایسی صورتحال پیدا ہو سکتی ہے۔ آسٹریلیا کے وفاقی وزیر سیاحت سائمن برمنگھم نے واضح کیاکہ سرحدیں دسمبر تک بند رکھی جائیں گی۔

بعد ازاں صورتحال دیکھ کر پابندی کی مدت میں توسیع ہو سکتی ہے۔T20 ورلڈ کپ کا انعقاد اس سال (اکتوبر۔ نومبر) میں آسٹریلیا میں ہونا ہے۔ قبل ازیں حکومت کی طرف سے سرحدیں ستمبر تک بند رکھنے کا اعلان کیا گیا تھا۔ ایک امید باقی تھی کہ شاید میگا ایونٹ کے اس سال انعقاد کا کوئی راستہ نکل آئے لیکن نئی صورتحال اور وزیر صحت کی جانب سے اعلان کیے جانے کے بعد اب کوئی امکان نظر نہیں آتا۔آئی سی سی کی گذشتہ ویڈیو کانفرنس میں T20ورلڈ کپ کے مستقبل کا فیصلہ موخر کر دیا گیاہے۔