کرونا وائرس کی ایک اور علامت ظاہر ہونےکا انکشاف۔

کرونا وائرس نے پوری دنیا کا نظام درہم برہم کر کے رکھ دیا ہے۔ یہ  وبا پاکستان سمیت دیگر ممالک میں بھی پھیل چکی ہے جبکہ اس وبا سے ہزاروں افراد ابدی نیند  چکے ہیں۔

اب تک کرونا وائرس کی جو علامات سامنے آئی ہیں ان میں تیز بخار، کھانسی، نزلہ، سر درد اور سانس کا مشکل سے آنا ہے۔

تاہم اب ماہرین کی جانب سے ایک اور علامت سامنے آئی ہے۔

کینیڈا میں ہونے والی ایک طبی تحقیق میں یہ کہا  گیا ہے کہ آنکھ کی جھلی کی سوزش یا آشوب چشم سے بھی کرونا وائرس ہوسکتا ہے۔

ڈاکٹروں  کی جانب سے یہ دعویٰ بھی کیا گیا کہ کووڈ 19 کی بنیادی علامت نظام تنفس کا مسئلہ نہیں تھا بلکہ آنکھوں کی بیماری تھی۔

محققین کاکہنا ہےکہ 29 سالہ خاتون رائل الیگزینڈرا اسپتال کے آئی انسٹیٹوٹ میں آئی جس میں آشوب چشم کی شدت بہت زیادہ تھی جبکہ نظام تنفس کی بھی معمولی علامت کا سامنا تھا۔

کافی دن کے علاج کے بعد مریضہ کی حالت میں معمولی بہتری آئی اور یہ معلوم ہوا کہ حال ہی میں وہ ایشیا کے دورے سے واپس آئی ہے۔تو ٹیسٹ میں کرونا وائرس کی تشخیص ہوگئی۔

محققین کے مطابق اس وبا کے آغاز میں تحقیقی رپورٹس میں کہا گیا تھا کہ کووڈ 19 کے 10 سے 15 فیصد کیسز میں آشوب چشم ثانوی علامت تھی۔

یہ تحقیق جریدے کینیڈین جرنل آف Ophthalmology میں شائع ہوئے جس میں آشوب چشم کو کرونا وائرس کی عام علامات کا حصہ قرار دیا گیا۔