70فیصد والدین نےسکول کھلنے پر بچوں کو اسکولوں میں بھیجنے پر آمادگی ظاہر کردی

70فیصد والدین نےسکول کھلنے پر بچوں کو اسکولوں میں بھیجنے پر آمادگی ظاہر کردی

SOPsکے تحت سکولوں کو کھولنے پر غور کیا جارہا ہے۔اس حوالے سے روڈ میپ تیارکیا جارہا ہے جس کے بعد والدین کو اعتماد میں لے کر باقاعدہ طور پر   پریس کانفرنس کے ذریعے لائحہ عمل بتایا جائے گا۔ وفاقی وزیر تعلیم شفقت محمود

70فیصد والدین نے سکول کھلنے پر بچوں کو اسکولوں میں بھیجنے پر رضامندی ظاہر کردی ہے۔ وفاقی وزیر تعلیم شفقت محمود نے بتایا ہے کہ سروے کے مطابق SOPs کے تحت اسکولوں کو کھولنے پر 70 فیصد والدین نے بچوں کو اسکولوں میں بھیجنے پر رضامندی ظاہر کی ہے۔ جس کے بعد ایس او پیز کے تحت اسکول کھولنے پر غور کیا جائے گا۔ اس حوالے سے روڈ میپ تیار ہونے کے بعد والدین کو اعتماد میں لے کر باقاعدہ پریس کانفرنس کے ذریعے لائحہ عمل بتایا جائےگا۔

شفقت محمود نے کہا ہے کہ اسکولوں کو کھولنے کا جائزہ لینے کے دوران این سی او سی کی جانب سے فراہم کردہ اعداد و شمار کو بھی پیش نظر رکھ رہے ہیں۔حکومت کی حکمت عملی پر یونیسیف سے بھی مشاورت جاری ہے۔

وفاقی وزیر تعلیم کا کہنا تھا کہ چاہتے ہیں کہ تعلیم جیسے بنیادی معاملے پر غیر یقینی کی فضا ختم ہو۔ دوسری جانب پاکستان میں کرونا وائرس کے مریضوں کی تعداد دن بدن بڑھتی جارہی ہے۔ آج بھی نئے کیسز اور اموات کے بعد ملک میں کرونا کے مریضوں کی تعداد ایک لاکھ 81 ہزار سے زائد ہوگئی جبکہ اموات 3 ہزار500 سے اوپر پہنچ گئیں   ہیں ۔سرکاری سطح پر فراہم کردہ اعداد و شمار کے مطابق ملک میں آج پیر کے روز تک کرونا وائرس کے ایک ہزار 496 نئے مریض اور 33 اموات کا اضافہ ہوا۔ ملک میں کرونا وائرس کی صورتحال ہر گزرتے دن کے ساتھ بگڑ رہی ہے اور یومیہ ہزاروں کی تعداد میں کیسز اور 100 سے زائد اموات ہورہی ہیں ۔