عمران خان استعفیٰ دینے کی بجائے، اسمبلیاں توڑ دیں گے۔

عمران خان ایک کمزور اور نا اہل وزیراعظم ضرور ہو سکتے ہیں ۔مگر عمران خان ایک بہت مضبوط اپوزیشن لیڈربھی  ہے۔ہارون الرشید تجزیہ نگار

عمران خان استعفیٰ دینے کی بجائے ہو سکتا ہے اسمبلیاں توڑ دیں۔ اس وقت کی  سیاسی صورتحال پر بات کرتے ہوئے تجزیہ نگار ہارون الرشید نےکہا ہے کہ عمران خان شاید استعفیٰ نہ دیں۔ بلکہ ہو سکتا ہے  کہ شاید اسمبلیاں توڑ دیں۔ ہارون رشید  کا کہنا تھا کہ عمران خان ایک نا اہل اور کمزوروزیراعظم ضرور ہو سکتے ہیں لیکن وہ ایک بہت مضبوط اپوزیشن لیڈربھی ہے۔

تجزیہ نگار کی جانب سےیہ  عندیہ دیا گیا ہے کہ شاہ محمود قریشی نےپاکستان تحریک انصاف میں مکمل پلانگ  کر لی ہے کہ ان کووزیراعظم بنا دیا جائے ۔ وہ وزیراعظم کے لئے موجود صورتحال میں بہترین آپشن ثابت ہو سکتے ہیں۔ کیونکہ کسی کو ان سے مسئلہ نہیں ہے ۔وہ تمام پارٹیوں میں رہ چکے ہیں اور تمام پارٹیوں میں موجود لوگوں کے ساتھ  ان کے تعلقات بھی اچھے ہیں۔

اس کے علاوہ اختر مینگلکے اتحاد ختم کرنے کے حوالے سے گفتگو کرتے ہوئے تجزیہ نگار نے کہا  کہ گزشتہ روز مولانافضل الرحمان اور اختر مینگل کی ملاقات کے بعد مولانا فضل الرحمان کی سیاسی واپسی ہو رہی ہےاور  اگر اختر مینگل کا اتحاد ختم کرنا کسی سیاسی چال کا حصہ ہے تو بہت جلد ایک اور پارٹی حکومت سے الگ ہو جائے گی۔

بغیر کسی پارٹی کا نام لئے انہوں نے اس بات کا عندیہ دیا ہے کہ ایک اور پارٹی حکومتی اتحاد سے الگ ہو سکتی ہے۔ جس کی وجہ سے حکومت کو مزید مشکلات کا سامنا کرنا پڑ سکتا ہے۔