حکومت پنجاب نے میٹرک امتحانات کے نتائج کا اعلان کرنے کی تاریخ کا اعلان کر دیا

حکومت پنجاب نے میٹرک امتحانات کے نتائج کا اعلان  کرنے کی تاریخ کا اعلان کر دیا

اس ہفتے پرچوں کی دوبارہ چیکنگ شروع ہوگی ہے ۔ پریکٹیکل کے نمبر تھیوری کی بنیاد پر دیئے جائیں گے۔امتحانات کے نتائج کا اعلان ستمبر میں ہوگا

حکومت پنجاب نے میٹرک امتحانات کے نتائج جاری کرنے کی تاریخ کا اعلان کر دیا۔اس ہفتے پرچوں کی دوبارہ مارکنگ شروع کر دی گئی ہے۔  پریکٹیکل کے نمبر تھیوری کی بنیاد پر دیئے جائیں گے۔ نتائج کا اعلان ستمبر میں کیا جائے گا ۔ تفصیلات کے مطابق محکمہ تعلیم پنجاب نے میٹرک کے امتحانات کے نتائج جاری کرنے کا فیصلہ کر لیا  ہے۔

صوبائی وزیر ہائیر ایجوکیشن راجہ یاسر ہمایوں کی جانب سے خصوصی اعلان کیا گیا ہے۔ راجہ یاسر ہمایوں  کا کہنا ہے کہ صوبے کےتما م  تعلیمی بورڈ کی جانب سے کروائے گئے میٹرک کے امتحانات کے نتائج کا اعلان ستمبر میں کر دیا جائے گا۔ ان کا کہنا ہے کہ کرونالاک ڈاون کے باعث پرچوں کی چیکنگ روک دی گئی  تھی۔ اس ہفتے میٹرک  امتحانات کے پرچوں کی دوبارہ  چیکنگ شروع کر دی جائے گی۔

لاک ڈاون کے باعث طلباء کے پریکٹیکل ہو پانا مشکل  تھے۔ اس لیے پریکٹیکل کے نمبر تھیوری کی بنیاد پر دیئے جائیں گے۔ راجہ یاسر ہمایوں کا کہنا ہے کہ اجازت ملتے ہی 90 روز میں میٹرک نتائج کا اعلان کر دیا جائے گا ۔ واضح رہے کہ صوبہ پنجاب کے تمام تعلیمی بورڈز سے رجسٹر 10 لاکھ سے زائد طلبہ میٹرک امتحانات کے  نتائج کے منتظر ہیں۔ صرف  لاہور میں 2 لاکھ 75 ہزار طلبہ نے میٹرک کے امتحانات دے رکھے ہیں اور اپنے نتائج کا انتظار کر رہے ہیں۔

دوسری جانب وفاقی وزیر تعلیم نے بھی ملک بھر میں تعلیمی اداروں کو دوبارہ کھولنے کیلئے غور و شروع کر دیا ہے۔ اس حوالے سے 2 جولائی کو اہم اجلاس بلایا  گیا ہے۔ جس میں تمام صوبوں کےوزارا شرکت کریں گے۔ اجلاس میں تعلیمی ادارے کھولنے کیلئے صوبائی حکومتوں سے تجاویز طلب کی گی ہیں۔ جبکہ وفاقی وزارت تعلیم نے ماڈل ایس او پیز کے تحت اسلام آباد میں تجرباتی بنیادوں پر تعلیمی ادارے کھولنے کیلئے غور و فکرشروع کر دیا ہے ۔